کراچی میں خاتون کوادھارکی رقم واپس مانگنے پر جان سے ماردیا گیا، بن قاسم کے علاقے ٹاؤن گھگھر پھاٹک کے قریب سے خاتون کی تشدد زدہ لاش ملی ہے،مقتولہ کی شناخت 34 سالہ رقیہ کے نام سے ہوئی ہے،ابتدائی معلومات کے مطابق مقتولہ گذشتہ ہفتے بلدیہ اتحاد ٹاؤن سے لاپتہ ہوئی تھی ۔
پولیس کےمطابق مقتولہ رقیہ کو اس کے رشتے داروں نے ایک لاکھ روپے ادھار کی رقم واپس مانگنے پر قتل کیا ہے،مقتولہ کے قتل میں خاتون سمیت پانچ افراد ملوث ہیں ۔
زہریلے دودھ سے کمسن بہن بھائیوں کی ہلاکت کے مقدمے کا نیا رخ سامنے آگیا
پولیس نے بتایا کہ رقیہ کو6 نومبرکے دن پرانا حاجی کیمپ بلا کر قتل کیا گیا،مقتولہ کے شوہر اضرار خان کو آج بیوی کی لاش کے بارے میں بتایا گیا ہے،واقعے کا مقدمہ تاحال درج نہیں ہوا ہے تاہم مقتولہ کے شوہر نے درخواست پولیس کو جمع کرا دی ہے۔