پاکستان کے سابق بلے باز باسط علی نے کپتان بابر اعظم کو مشورہ دیا تھا کہ وہ آئندہ ٹی ٹونٹی ورلڈ کپ 2024ء میں مین ان گرین کے لیے اننگز کا آغاز کریں۔ قومی ٹیم فی الحال چار میچوں کی سیریز کے لیے انگلینڈ میں ہے اور میزبان ٹیم کو دو میچوں کے بعد 1-0 کی برتری حاصل ہے۔ 53 سالہ سابق بیٹر نے اپنے یوٹیوب چینل پر بات کرتے ہوئے بتایا کہ بابر کو کیوں اوپننگ کرنی چا چاہیے۔
انہوں نے کہا کہ بابر اعظم اوپن کریں گے تو پاکستان کو فائدہ ہوگا۔ مجھے نہیں معلوم کہ انہیں نمبر 3 پر بیٹنگ کا مشورہ کس نے دیا ہے۔ باسط علی نے کہا کہ “اسے بطور اوپنر بیٹنگ کرنے والا ہونا چاہیے اور اسٹرائیک ریٹ کی فکر نہیں کرنی چاہیے۔ پاکستان کے مڈل آرڈر میں اب ہارڈ ہٹرز ہیں لیکن سب سے اوپر کی بنیاد بہت اچھی ہونی چاہیے۔
” دوسری جانب انہوں نے اپنی سرفہرست چار ٹیموں کی بھی پیش گوئی کی جو امریکہ اور ویسٹ انڈیز میں ہونے والے ٹی ٹوئنٹی ورلڈ کپ کے سیمی فائنل میں شرکت کریں گی۔
انہوں نے کہا کہ پاکستان، بھارت، سری لنکا اور افغانستان میری چار ٹیمیں ہیں۔ واضح رہے کہ پاکستان ایونٹ کے گروپ اے میں بھارت، آئرلینڈ، کینیڈا اور امریکہ کے ساتھ ہے۔
بابر اعظم کو ٹی ٹونٹی ورلڈ کپ 2024ء میں اوپننگ کرنی چاہیے : باسط علی
