پاکستان پیپلز پارٹی کے چیئرمین بلاول بھٹو زرداری ایک تقریب سے خطاب کرتے ہوئے اُس وقت دلچسپ صورت حال کا شکار ہوگئے جب انہوں نے انگریزی محاورے کو اردو میں ترجمہ کرنے کی کوشش کی۔
یہ واقعہ اس وقت پیش آیا جب بلاول اپنی تقریر میں انگریزی محاورے “Give them an inch and they ll take a mile” کو اردو میں کہنے لگے، لیکن اس دوران ان کا جملہ گڑبڑا گیا، جس پر نہ صرف تقریب کے شرکاء بلکہ خود بلاول بھی ہنس پڑے۔
بلاول کو فوراً اپنی غلطی کا احساس ہوگیا اور انہوں نے رک کر وضاحت کی کہ وہ اصل میں یہ انگریزی محاورہ کہنا چاہ رہے تھے جس کا مطلب ہے کہ اگر کسی کو تھوڑی سی رعایت دی جائے تو وہ زیادہ فائدہ اٹھانے کی کوشش کرتے ہیں۔ تاہم، بلاول نے مسکراتے ہوئے کہا کہ اب ان کے اس جملے پر سوشل میڈیا پر کتنی میمز بنائی جائیں گی۔
بلاول کے اس دلچسپ لمحے نے تقریب کا ماحول خوشگوار بنا دیا اور لوگوں نے اس لمحے کو خوب انجوائے کیا۔ انہوں نے بھی اپنی بات کو مزید ہلکا پھلکا بناتے ہوئے ہنسی مذاق کا عنصر شامل کیا اور کہا کہ ایسے لمحات عوام کے سامنے بھی آتے ہیں اور اب انٹرنیٹ پر اس کی گونج بھی سننے کو ملے گی۔
یہ پہلا موقع نہیں ہے جب بلاول بھٹو نے اپنی تقریر کے دوران ایسے دلچسپ لمحات پیش کیے ہوں۔ ان کی انگریزی اور اردو کے مابین جملے بازی اکثر عوام کے لیے دلچسپی کا باعث بنتی ہے، اور سوشل میڈیا پر ان کے ان جملوں کے میمز تیزی سے وائرل ہوجاتے ہیں۔
بلاول نے اپنی تقریر کے دوران اس بات کا اعتراف کرتے ہوئے کہا کہ وہ جانتے ہیں کہ اب ان کے اس لمحے کو میمز کی صورت میں انٹرنیٹ پر دیکھا جائے گا، اور وہ خود بھی اس لمحے سے لطف اندوز ہوئے۔
تقریر کے دوران پیش آنے والے اس واقعے نے تقریب میں موجود شرکاء کے چہروں پر مسکراہٹیں بکھیر دیں اور یہ لمحہ ایک یادگار لمحے میں بدل گیا۔