پاکستانی آل راؤنڈر عالیہ ریاض اور سابق کرکٹر وقار یونس کے چھوٹے بھائی کمنٹیٹر علی یونس جمعہ کو شادی کے بندھن میں بندھ جائیں گے۔
اس جوڑے کی شادی کی تقریب جمعہ کی شب لاہور کے ایک نجی فارم ہاؤس میں ہوگی جس میں ماحول کو مزید خوشگوار بنانے کے لیے خصوصی قوالی نائٹ کا بھی اہتمام کیا جائے گا۔
خاتون کرکٹر عالیہ ریاض اور کمنٹیٹر علی یونس کی شادی کی تقریب میں کرکٹرز کی بھی شرکت متوقع ہے۔
یاد رہے کہ اس جوڑے کی منگنی کی تقریب چند روز قبل واہ کینٹ میں منعقد ہوئی تھی۔