پاکستان کرکٹ ٹیم کے فاسٹ باؤلر وسیم جونیئر نے اپنی زندگی کی نئی اننگز کا آغاز کرتے ہوئے نکاح کر لیا ہے۔
اس خوشخبری کا اعلان وسیم جونیئر نے سوشل میڈیا پر اپنے انسٹاگرام اکاؤنٹ پر ایک تصویر شیئر کرتے ہوئے کیا۔
وسیم جونیئر، جو اپنی تیز رفتار گیند بازی کے باعث کرکٹ کے شائقین کے دلوں میں جگہ بنا چکے ہیں، نے نکاح کی تقریب کی تصویر پوسٹ کی ہے جس سے ظاہر ہوتا ہے کہ ان کا نکاح سعودی عرب میں ہوا ہے۔
تصویر میں وسیم جونیئر کو اپنی اہلیہ کا ہاتھ تھامے دیکھا جا سکتا ہے، جبکہ پس منظر میں خانہ کعبہ کا منظر بھی دکھائی دے رہا ہے۔
وسیم جونیئر کے اس اعلان کے بعد انہیں سوشل میڈیا پر مبارکبادی پیغامات کا سلسلہ شروع ہو گیا ہے۔
مداحوں نے انہیں نیک تمناؤں اور دعاؤں سے نوازا ہے، اور ان کے اس نئے سفر کے لئے نیک خواہشات کا اظہار کیا ہے۔
یاد رہے کہ وسیم جونیئر نے اپنی بہترین کارکردگی کی بدولت کرکٹ کے مداحوں کے دلوں میں ایک خاص مقام بنا لیا ہے اور اب اپنی ذاتی زندگی کی اس نئی اننگ کا آغاز کرتے ہوئے ایک نئی خوشی کا اضافہ کیا ہے۔