ٹیسٹ کرکٹر امام الحق نے بھی خاموشی توڑتے ہوئے بابراعظم کے حق میں بیان جاری کر دیا ہے ۔ سوشل میڈیا پر ایک ویڈیو وائرل ہوئی تھی جس میں شائقین کرکٹ بابر اعظم پر میچ کے دوران جملے کس رہے تھے ۔ ناقص فارم کے شکار بابر اعظم دورہ آسٹریلیا کے دوران ٹی20 سیریز میں خاطر خواہ کارکردگی دکھانے میں ناکام رہے، ایسے ناقدین انہیں ٹرول کرنے کا کوئی موقع ہاتھ سے جانے نہیں دے رہے تھے۔
گزشتہ ہفتے پاکستان کو آسٹریلیا نے شکست دیکر سیریز میں 0-2 سے اپنے نام کی تھی۔ ابتدائی 2 ٹی ٹونٹی مقابلوں میں بابر اعظم نے محض 6 رنز بنا سکے ہیں جبکہ ایک کیچ بھی ڈراپ کیا ہے۔ دوران فیلڈ گزشتہ روز میچ کے دوران ایک شائق نے نامناسب انداز میں بابر اعظم کو مخاطب کرتے ہوئے کہا تھا کہ تیری ٹی 20 وچ جگہ نہیں بنتی، واپس لوٹ جا، جس پر بابر نے انہیں کوئی جواب نہیں دیا تھا البتہ ٹیڑھی نظروں گھور رہے تھے جس کی ویڈیو سوشل میڈیا پر وائرل ہورہی ہے۔
یہ ویڈیو وائرل ہونے کے بعد امام الحق نے سخت ناراضگی کا اظہار کرتے ہوئے پیغام جاری کر دیا ہے ، امام الحق کا کہنا تھا کہ ہم بحیثیت قوم ناکام ہو چکے ہیں ، جب ہماری ترجیحات میں حمایت کی بجائے مذاق اُڑانا شامل ہو جائے تو ناکام ہو جاتے ہیں ، بابر اعظم آپ آج بھی چیمپئن ہو