پاکستان 13 سال بعد اذلان شاہ ہاکی ٹورنامنٹ کے فائنل میں پہنچ گیا ہے۔
دوسری جانب جاپان نے ملائیشیا کو 1-2 سے شکست دے کر فائنل کے لیے کوالیفائی کرلیا ہے،فائنل میں پاکستان کا ٹاکرا جاپان سے ہو گا،پاکستان ایونٹ کا آخری لیگ میچ 10 مئی کو نیوزی لینڈ سےکھیلے گا۔
اس سے قبل پاکستان نے ملائیشیا کے شہر ایپوہ میں کھیلے گئے میچ میں کینیڈا کو 4-5 سے شکست دے دی تھی۔پاکستان ایونٹ میں اب تک ناقابل شکست ہے اور 4 میچوں کے بعد 10 پوائنٹس کے ساتھ ٹیبل پر سرفہرست ہے۔کینیڈا نے پہلے 17 منٹ میں 0-2 کی برتری حاصل کر کے پاکستان کو بیک فٹ پر ڈال دیاتھا تاہم گرین شرٹس نے شاندار واپسی کرتے ہوئے میچ 4-5 سے جیت لیا۔پاکستان کی جانب سے پہلے 2 گول ابوبکر محمود نے داغے جس سے قومی ٹیم کی کھیل میں واپسی ہوئی۔اس کے علاوہ ارشد لیاقت، رانا وحید اشرف اور غضنفر علی نے بھی ایک ایک گول کیا۔کینیڈا کی جانب سے شان ڈیوس نے دو دو گول داغے جبکہ ہربیر سندھو اور اوجوت بٹر نے ایک ایک سکور کیا۔گزشتہ روز پاکستان اور جاپان کا میچ 1-1 سے برابر رہا تھا، اس سے قبل پاکستان نے اتوار کو اپنے دوسرے میچ میں کوریا کو یک طرفہ مقابلے میں 0-4 سے شکست دی تھی۔پاکستان کا اگلا میچ 10 مئی کو نیوزی لینڈ کے خلاف ہوگا۔