پنجاب حکومت کا چیف منسٹر انٹرن شپ پروگرام

 اس پروگرام کا مقصد نوجوانوں کو مالی خودمختاری کی راہ پر گامزن کرنا ہے۔

پہلے مرحلے میں 6 ہزار انٹرن شپس فراہم کی جائیں گی، جن کا دورانیہ 6 ماہ ہوگا۔ اس پروگرام میں ترجیحاً گذشتہ دو سالوں میں ڈگری مکمل کرنے والے گریجویٹس کو موقع دیا جائے گا۔

انٹرن شپ کے لیے عمر کی حد 18 سے 25 سال مقرر کی گئی ہے۔ منتخب امیدواروں کو نجی شعبے کے نمایاں اداروں میں تربیت حاصل کرنے کا موقع فراہم کیا جائے گا۔

پروگرام میں حصہ لینے کے لیے خواہشمند نوجوانوں کو cmip.punjab.gp.pk پر آن لائن رجسٹریشن کرانی ہوگی۔

اس موقع پر وزیر اعلیٰ پنجاب مریم نوازشریف نے کہا کہ نوجوانوں کے روشن مستقبل کے لیے حکومت پنجاب انہیں باوقار طریقے سے مالی خودمختاری کی راہ پر لے جانے کی خواہاں ہے۔ انہوں نے نوجوانوں کو اس پروگرام میں بڑھ چڑھ کر حصہ لینے کی ترغیب دی۔