ڈرائیونگ لائسنس کے حصول کے لیے پنجاب میں ان پڑھ افراد کا کمپیوٹرائزڈ کے بجائے زبانی ٹیسٹ لینے کا فیصلہ کیا گیا ہے۔
سی ٹی او لاہورکے مطابق ٹریفک اشاروں سے متعلق ٹیسٹ کمپیوٹرائزڈ ہونے کے باعث غیر تعلیم یافتہ افراد فیل ہوجاتے تھے۔ ان پڑھ افراد اب کمپیوٹرائزڈ کے بجائے زبانی ٹیسٹ دے سکیں گے۔ سینٹر انچارج ٹریفک اشاروں سے متعلق زبانی سوال کرے گا۔
حکام کا مزید کہنا ہے کہ شفافیت اور میرٹ کو یقینی بنانے کیلئے سائن ٹیسٹ اور روڈ ٹیسٹ کی آڈیو اورویڈیو ریکارڈ ہوگی۔ بغیر لائسنس ڈرائیونگ کرنیوالوں کیخلاف کریک ڈاؤن سخت کردیا گیا ہے۔