امریکا کے سابق صدر اور موجودہ صدارتی امیدوار ڈونلڈ ٹرمپ کی ایک پرانی ویڈیو سوشل میڈیا پر دوبارہ وائرل ہوگئی ہے، جس میں انہوں نے مسلم خواتین کے پردے کے بارے میں اپنے خیالات کا اظہار کیا ہے۔
اس ویڈیو میں ٹرمپ نے مسلم خواتین، خاص طور پر افغان خواتین کے پردے کے حوالے سے گفتگو کرتے ہوئے کہا کہ وہ پردے کے معاملے کو ناگوار نہیں سمجھتے، بلکہ اسے ایک قدیم اور قابل احترام روایت قرار دیتے ہیں۔
ڈونلڈ ٹرمپ نے اس تقریب کے دوران کہا کہ انہوں نے پردہ کرنے والی خواتین کو دیکھا اور ان کے خیال میں یہ کوئی غیر معمولی بات نہیں ہے۔
ٹرمپ کا کہنا تھا کہ افغان خواتین صدیوں سے پردہ کرتی آئی ہیں اور اگر وہ خود ایک عورت ہوتے، تو وہ بھی پردہ کرنے کو ترجیح دیتے۔
🔴 ڈونلڈ ٹرمپ:
“افغان خواتین ہزاروں سالوں سے پردہ کر رہی ہیں۔ وہ پردہ کرنا چاہتی ہیں، تو ہمیں اس معاملے میں کیوں دخل دینا چاہیے؟ میرے خیال میں پردہ کرنا میک اپ سے زیادہ مناسب ہے۔ اگر میں عورت ہوتا، تو میں بھی پردہ کرتا۔” pic.twitter.com/p3k9OtvxeI
— RTEUrdu (@RTEUrdu) August 15, 2024
ٹرمپ نے مزید کہا کہ کچھ خواتین نے انٹرویو میں کہا کہ وہ پردہ کرنا چاہتی ہیں اور یہ ایک ہزار سال پرانی روایت ہے۔
اس پر تبصرہ کرتے ہوئے ٹرمپ نے کہا کہ پردہ کرنا میک اپ سے زیادہ آسان اور مناسب ہے۔
انہوں نے مزاحیہ انداز میں کہا کہ اگر وہ عورت ہوتے تو پردہ کرنا انہیں زیادہ آسان اور پسندیدہ لگتا۔
یہ ویڈیو اب سوشل میڈیا پر تیزی سے پھیل رہی ہے، جہاں مختلف قسم کے تبصرے اور آراء سامنے آرہی ہیں۔
کچھ لوگوں نے ٹرمپ کے اس بیان کو ان کی کھلی سوچ کا مظہر قرار دیا ہے، جبکہ دوسروں نے اسے ایک متنازع موضوع پر ان کی مخصوص رائے سمجھا ہے