مایہ ناز کرکٹر بابراعظم نے ان کھلاڑیوں کا نام لیا ہے جن سے وہ سب سے زیادہ سیکھتے ہیں۔29 سالہ بابر اعظم پاکستان کے وائٹ بال کپتان ہیں۔
تفصیل کے مطابق پاکستان کے کپتان بابر اعظم نے انکشاف کیا کہ وہ اپنے بیٹنگ تکنیک کو بہتر بنانے کے لیے ویرات کوہلی، کین ولیمسن اور جو روٹ سے بات کرتے ہیں ،جب بھی انہیں موقع ملتا ہے۔
سابق جنوبی افریقی کپتان اے بی ڈی ویلیئرز کے یوٹیوب چینل MR. 360 پر بات کرتے ہوئے، پاکستان کے بہترین بلے باز بابر اعظم نے کہا کہ انہوں نے ان کھلاڑیوں سے بہت کچھ سیکھا ہے۔
بابر نے کہا، “میں ویرات کوہلی، کین ولیمسن اور جو روٹ سے بہت بات کرتا ہوں۔ وہ ہمیشہ آپ کو مشورہ دینے کے لیے تیار رہتے ہیں جو آپ کی بہت مدد کرتے ہیں۔ میں نے ان کھلاڑیوں سے بہت کچھ سیکھا ہے۔”
دریں اثنا، بابر نے پاکستان کی قومی کرکٹ ٹیم میں شامل ہونے سے پہلے کی اپنی جدوجہد بھی شیئر کی۔
انہوں نے ذکر کیا کہ ان کے خاندان کے پاس زیادہ پیسے نہیں تھے، لیکن انہوں نے ان کا بہت ساتھ دیا۔
انہوں نے مزید کہا، “میرا تعلق کسی امیر خاندان سے نہیں ہے اور ہمارے پاس ہمیشہ پیسے نہیں ہوتے تھے۔ لیکن میرے والدین نے میرا بہت ساتھ دیا۔ میں بچپن میں اسٹریٹ کرکٹ کھیلتا تھا اور ہارڈ بال سے کرکٹ کھیلنا بہت مشکل تھا۔”
یہ بات قابل ذکر ہے کہ بابر کی قیادت میں پاکستان نے ایشیا کپ 2023 ء اور ون ڈے ورلڈ کپ 2023 ء میں خاطر خواہ کارکردگی نہیں دکھائی جبکہ ٹی 20 ورلڈ کپ 2024 ء میں پاکستان ناکام ہوا اور سپر 8 مرحلے کے لیے کوالیفائی نہ کر سکا۔
بابر اگلی بار دو ٹیسٹ میچوں کی سیریز میں بنگلہادیش کے خلاف ایکشن میں نظر آئیں گے، جو 21 اگست کو گھر پر شروع ہونے والی ہے۔