عماد وسیم اور محمد نواز کی جگہ کونسے باؤلرقومی ٹیم کا حصہ بن سکتے ہیں؟

بائیں ہاتھ سے کھیلنے والے سپن بائولرعماد وسیم بین الاقوامی کرکٹ سے ریٹائرمنٹ کا اعلان کر چکے ہیں اور محمد نواز خوفناک انجری کا شکار ہو کر باہر بیٹھے ہیں۔ ایسے میں قومی ٹیم کے لیے ان دونوں کا بہترین متبادل کون ہوسکتا ہے؟ نیوز ویب سائٹ’پروپاکستانی‘ نے اپنی ایک رپورٹ میں چار لیفٹ آرم سپن بائولرز کی ایک فہرست بیان کی ہے جو عماد وسیم اور محمد نواز کی جگہ لے سکتے ہیں:۔
مہران ممتاز
مہران ممتاز نے پاکستان سپرلیگ (پی ایس ایل) کے سیزن 9سے پشاور زلمی کے ساتھ اپنا ڈیبیو کیا ہے اور اپنی شاندار کارکردگی سے کرکٹ شائقین کو بہت متاثر کیا ہے۔ راولپنڈی میں پیدا ہونے والے مہران ممتاز 22ٹی 20اننگز میں 571رنز دے کر 23کھلاڑیوں کو آئوٹ کیا۔20سکور دے کر 3وکٹیں حاصل کرنا ان کی بہترین پرفارمنس ہے۔