بلوچستان کے شہر گوادر میں بم ڈسپوزل اسکواڈ پر حملے کے نتیجے میں 2 سیکیورٹی اہلکار جاں بحق اور 4 زخمی ہوگئے۔
تفصیلات کے مطابق گوادر میں سانجی پہاڑی علاقے میں سیکورٹی فورسز کے بم ڈسپوزل اسکواڈ پر فائرنگ کا واقعہ پیش آیا، واقعہ تب پیش آیا جب بم ڈسپوزل ٹیم چوکیوں کی طرف جانے والے رستے پر رواں تھے۔
اتوار کی صبح 9 بجے کے قریب گوادر میں 32 پنجاپ رجمنٹ آرمی کی بی ڈی ٹیم پر آنکاڈہ ڈیم کے نزدیک مسلح افراد نے حملہ کیا، جس کے نتیجے میں 2 سیکیورٹی اہلکار جاں بحق اور 4 زخمی ہو گئے۔
جاں بحق ہونے والوں میں سپاہی ظہور اور سپاہی الطاف موقع پر شامل ہیں جبکہ حملے میں سپاہی ساجد حسین شدید زخمی، تجمل حسین، ابرار احمد اور گل حیدر زخمی ہوئے۔
جاں بحق اور زخمی سپاہیوں کو طبی امداد، علاج اور ضروری کارروائی کے لیے جی ڈی اے اسپتال منتقل کیا گیا۔
بعد ازاں سیکیورٹی فورسز کی بھاری نفری نے علاقے کا محاصرہ کرلیا۔