ٹی ٹونٹی ورلڈ کپ، شاداب خان کی بھارت کیخلاف اہم میچ میں شرکت مشکوک

آل راؤنڈر شاداب خان آج نیو یارک میں بھارت کے خلاف ٹی ٹوئنٹی ورلڈ کپ کے ہائی اسٹیک میچ میں شرکت مشکوک ہو گئے ہیں۔ ذرائع نے دعویٰ کیا کہ شاداب کو پریکٹس سیشن کے دوران کمر میں درد کا سامنا کرنا پڑا جس کی وجہ سے اہم تصادم میں ان کی شرکت پر غیر یقینی صورتحال پیدا ہوئی۔ پاکستانی ٹیم انتظامیہ اب شاداب خان کی جگہ صائم ایوب کو شامل کرنے پر غور کر رہی ہے۔
شاداب خان پاکستان کی کرکٹ ٹیم کے اہم کھلاڑی رہے ہیں۔ اعظم خان کی جگہ عماد وسیم ٹیم میں شامل ہیں۔ یہ فیصلہ امریکہ کے خلاف خراب کارکردگی کے بعد مڈل آرڈر بلے باز اعظم خان کے لائن اپ سے اخراج کے بعد سامنے آیا ہے۔ بھارت کے خلاف میچ کے لیے پاکستان کی ممکنہ پلیئنگ الیون میں کپتان بابر اعظم، محمد رضوان، عثمان خان، فخر زمان، افتخار احمد، شاداب خان (فٹنس سے مشروط)، عماد وسیم، شاہین آفریدی، حارث رؤف، محمد عامر اور نسیم شاہ شامل ہیں۔
پاکستان اور بھارت کے درمیان نیو یارک میں ہونے والا ٹی ٹونٹی ورلڈ کپ کا میچ ایک سنسنی خیز مقابلے کا وعدہ کرتا ہے جس میں دونوں ٹیمیں اہم جیت حاصل کرنے کے لیے بے چین ہیں۔