حکومت پیٹرولیم مصنوعات کی قیمتوں میں نمایاں اضافے پر غور کررہی ہے۔ جولائی 2024 کے آخری نصف کے لیے، پٹرول اور ڈیزل کی قیمتوں میں خاطر خواہ اضافہ متوقع ہے۔
صنعت کے ماہرین کا خیال ہے کہ پیٹرول کی قیمت میں 7.67 فی لیٹر تک اضافہ ہوسکتا ہے۔ ہائی سپیڈ ڈیزل کی قیمت میں 3.72 فی لیٹر روپے کا اضافہ دیکھا جاسکتا ہے۔
یہ مجوزہ ایڈجسٹمنٹ، تیل کی عالمی قیمتوں، کرنسی کی شرح تبادلہ، اور توانائی کے شعبے میں مالیاتی حرکیات کی وجہ سے، پیٹرول کی قیمت 273.28 فی لیٹر روپے تک جاسکتی ہے۔
ایچ ایس ڈی کی قیمت 281.25 روپے فی لیٹر ہوسکتی ہے، مٹی کے تیل کی قیمت بھی اضافے کے بعد 184.25 فی لیٹر تک پہنچ جائے گی۔ ایل ڈی او کی قیمت 166.65 فی لیٹر ہوجائے گی، پیٹرولیم مصنوعات کی قیمتوں میں یہ اضافہ ماہ جولائی کے آخری 15 روز کیلئے ہوگا۔
ٹیکس فریم ورک اور ڈالر کی شرح تبادلہ میں تبدیلیوں کی پیشن گوئی پیٹرول مصنوعات کی قیمتوں کے ردوبدل میں اہم عوامل ہیں۔ پیٹرول کے لیے ان لینڈ فریٹ ایکولائزیشن مارجن روپے6.12 سے روپے 7.79 سے بڑھنے کی توقع ہے۔
مزید برآں، ذرائع نے عندیہ دیا ہے کہ اگر اضافی پیٹرولیم لیوی میں 5 روپے کا اضافہ کیا جائے گا تو پیٹرول کی قیمت 278.28 روپے فی لیٹر ہوجائے گی۔
رواں ماہ کے آغاز میں بھی حکومت نے پیٹرولیم مصنوعات کی قیمتوں میں اضافہ کردیا تھا، پیٹرول 7 روپے 45 پیسے ،ڈیزل کی قیمت میں 9 روپے 56 پیسے اضافہ ہوا تھا۔
تفصیلات کے مطابق پیٹرول کی قیمت میں 7روپے 45پیسے فی لیٹر اضافہ کردیاگیا تھا،اس کے علاوہ ڈیزل کی قیمت میں 9روپے 56پیسے فی لیٹر اضافہ کیا گیا تھا۔
دوسری جانب لائٹ ڈیزل کی قیمت میں 9روپے 88پیسے فی لیٹرجبکہ مٹی کے تیل کی قیمت میں 10روپے 5پیسے فی لیٹر اضافہ ہوا تھا۔
قیمت میں اضافے کے بعد پیٹرول کی نئی قیمت 265 روپے جبکہ ڈیزل کی نئی قیمت 277 روپے فی لیٹر ہوگئی تھی۔