بالی وڈ اداکار ابھیشیک بچن اور ایشوریا رائے کے درمیان طلاق کی خبروں نے فلمی دنیا کی مقبول جوڑی کے درمیان علیحدگی کی قیاس آرائیوں کو ایک بار پھر ہوا دی ہے۔
اننت امبانی کی شادی میں شرکت موضوع بحث:
مکیش امبانی کے بیٹے اننت امبانی کی شادی میں ابھیشیک کا والدین کے ساتھ فوٹوشوٹ ایک بار پھر موضوع بحث بن گیا ہے۔ تاہم، تقریب سے وائرل کچھ تصویروں نے مداحوں کو خوش بھی کیا۔
سوشل میڈیا پر ردعمل:
ابھیشیک نے سوشل میڈیا پر ایک بھارتی صحافی کی جانب سے شیئر کی گئی طلاق سے متعلق پوسٹ کو لائیک کیا، جس نے مداحوں کو اداس کردیا ہے۔ پوسٹ میں لکھا تھا کہ “جب محبت آسان نہ لگنے لگے، طلاق کبھی بھی آسان نہیں ہوتی۔”
ابھیشیک کی لائیک کی گئی پوسٹ میں مزید درج تھا کہ “کیا چیز لوگوں کو رشتوں کو ختم کرنے پر مجبور کرتی ہے؟ کیا وہ چیلنجز ہیں جو معاشرے میں grey divorce کو فروغ دے رہے ہیں؟” (grey divorce کی اصطلاح ایسے جوڑوں کے لیے استعمال ہوتی ہے جو 50 سال بعد ایک دوسرے سے علیحدگی اختیار کرتے ہیں)۔
مداحوں کی مایوسی:
صحافی کی پوسٹ کو ابھیشیک بچن کی جانب سے لائیک کیے جانے کے بعد مداحوں میں جوڑی کے درمیان ہونے والی علیحدگی کی افواہوں کے باعث مایوسی پھیل گئی ہے۔
ماضی کی افواہیں:
گذشتہ کئی ماہ سے بھارتی میڈیا اور سوشل میڈیا پر ایشوریا رائے اور ابھیشیک بچن کی طلاق کی افواہیں گردش کر رہی ہیں۔ اس سے قبل بھی ایشوریا رائے کے بچن ہاؤس چھوڑنے کی خبریں سامنے آئی تھیں اور امیتابھ بچن نے اپنی بہو کو سوشل میڈیا سے اَن فالو بھی کردیا تھا۔
شادی اور فیملی:
ابھیشیک بچن اور ایشوریا رائے کی شادی 2007 ءمیں ہوئی تھی اور ان کے گھر بیٹی آرادھیا کی پیدائش 2011 ءمیں ہوئی۔