ڈکی بھائی کی ماہانہ آمدنی کتنی؟

 ڈکی بھائی کو پاکستان کا کامیاب ترین یوٹیوبر مانا جاتا ہے، اور وہ اپنی اہلیہ عروب جتوئی کے ساتھ دلچسپ ویڈیوز بناتے ہیں جو دنیا بھر میں دیکھے جاتے ہیں۔

ڈکی بھائی بچوں میں بے حد مقبول ہیں، اور ان کے فالورز کی بڑی تعداد بچوں پر مشتمل ہے۔ حال ہی میں ایک انٹرویو میں ان سے پوچھا گیا کہ وہ یوٹیوب سے ماہانہ کتنی آمدنی حاصل کرتے ہیں؟

ڈکی بھائی نے بتایا کہ وہ یوٹیوب سے ماہانہ ایک سے ڈیڑھ لاکھ ڈالر (تقریباً 3 کروڑ پاکستانی روپے) کما لیتے ہیں۔ ان کا کہنا تھا کہ یوٹیوب پر صرف ویڈیوز کے ذریعے نہیں بلکہ اسپانسرشپ کے ذریعے بھی پیسے کمائے جاتے ہیں۔

ڈکی بھائی نے مزید بتایا کہ پاکستان میں صرف 5 ایسے یوٹیوبرز ہیں جن کی ویڈیوز پر لاکھوں ویوز آتے ہیں اور ان کی ماہانہ آمدنی لاکھوں ڈالرز میں ہوتی ہے۔ اس بیان سے ظاہر ہوتا ہے کہ یوٹیوب پاکستان میں بھی ایک منافع بخش پلیٹ فارم بن چکا ہے۔

ڈکی بھائی کی مقبولیت اور ان کی ماہانہ آمدنی کی تفصیلات سے اندازہ ہوتا ہے کہ یوٹیوب پر کامیابی حاصل کرنا ممکن ہے، بشرطیکہ مواد دلچسپ اور ناظرین کے لیے پرکشش ہو۔

ڈکی بھائی اپنی ویڈیوز کے ذریعے نا صرف لوگوں کو محظوظ کرتے ہیں بلکہ بڑی آمدنی بھی حاصل کرتے ہیں۔