وزیراعلیٰ پنجاب مریم نواز نے معیاد ختم ہونے والے لائسنس والوں کے لیے بڑے ریلیف کا اعلان کر دیا۔ 16 جنوری 2024 سے پہلے ختم ہونے والے ڈرائیونگ لائسنس کے لیے بڑھے ہوئے جرمانے ختم کر دیے گئے ہیں۔
جن شہریوں کے ڈرائیونگ لائسنس کی میعاد 16 جنوری 2024 سے پہلے ختم ہو رہی ہے، وہ پرانے جرمانے کے ساتھ ان کی تجدید کرسکتے ہیں۔ 16جنوری 2024 کو یا اس کے بعد ختم ہونے والے لائسنس کے لیے نئی فیس کی شرحیں لاگو ہوں گی۔
اس سے قبل میعاد ختم ہونے والے لائسنس پر جرمانہ 75 سے 500 روپے سالانہ تک ہوتا تھا۔ چیف ٹریفک آفیسر (سی ٹی او) لاہور عمارہ اطہر نے بتایا کہ لرنر پرمٹ کی تجدید کی فیس 500 روپے رہے گی۔
انہوں نے مزید کہا کہ شہری بین الاقوامی اور باقاعدہ لائسنسوں کی تجدید گھر کے ساتھ ساتھ لائسنس دفاتر میں کرسکتے ہیں۔ عمارہ اطہر نے اس بات پر زور دیا کہ کم عمر اور بغیر لائسنس ڈرائیوروں کے خلاف کریک ڈاؤن میں کوئی نرمی نہیں برتی جائے گی۔
دوسری جانب خیبرپختونخوا (کے پی) حکومت نے جعلی انٹرنیشنل ڈرائیونگ لائسنس سکینڈل کی جامع تحقیقات شروع کرنے کا اعلان کیا ہے۔ انکوائری فیڈرل انویسٹی گیشن ایجنسی (ایف آئی اے) اور صوبائی کمیٹی کرے گی۔
یہ اسکینڈل اس وقت منظر عام پر آیا جب بیرون ملک مقیم پاکستانی مشنز نے کے پی کے ٹرانسپورٹ ڈپارٹمنٹ کی جانب سے غیر ملکی پاکستانیوں کو جاری کیے گئے ڈرائیونگ لائسنس کی تصدیق کرنے کی کوشش کی، صرف یہ معلوم کرنے کے لیے کہ محکمہ کے ڈیٹا بیس میں ریکار