عرفان خان نیازی کی شاندار فیلڈنگ کی ویڈیو وائرل

قومی ٹیم کے آل راؤنڈر عرفان خان کی شاندار فیلڈنگ اور کیچ کی ویڈیو سوشل میڈیا پر وائرل ہورہی ہے۔ 3 ون ڈے میچوں کی سیریز کے پہلے میچ میں آسٹریلیا نے سنسنی خیز مقابلے کے بعد پاکستان کو دو وکٹوں سے شکست دے دی۔ پاکستان کی ٹیم 46.4 اوورز میں 203 رنز بنا کر آؤٹ ہوگئی، جب کہ میزبان ٹیم نے ہدف 33.3 اوورز میں 8 وکٹوں کے نقصان پر حاصل کرلیا، مچل اسٹارک کو میچ کا بہترین کھلاڑی قرار دیا گیا۔
پہلے بیٹنگ کرتے ہوئے قومی ٹیم کے صائم ایوب 1 رن اور عبداللہ شفیق 12 رنز پر مچیل اسٹارک کی گیند پر آؤٹ ہوئے۔ بابر اعظم اور ایڈم زمپا نے 37 رنز پر آؤٹ کیا جب کہ کامران غلام 5 رنز بناکر پیٹ کمنز کی گیند کا شکار بنے۔ سلمان علی آغا کو سین ایبٹ نے 12 جب کہ کپتان محمد رضوان کو مارنس لبوشین نے 44 رنز پر آؤٹ کیا، شاہین شاہ آفریدی 24 رنز بناکر اسٹارک کی گیند پر آؤٹ ہوئے۔
پاکستان کی جانب سے حارث رؤف نے 3 ، شاہین شاہ آفریدی نے 2 اور نسیم شاہ اور محمد حسنین نے ایک ایک کھلاڑی کو آؤٹ کیا۔ قومی ٹیم کے آل راؤنڈر عرفان خان کی ویڈیو سوشل میڈیا پر وائرل ہورہی ہے جس میں انہوں نے تین شاندار کیچ لیے اور شاندار فیلڈںگ بھی کی۔ عرفان خان 22 رنز بنا کر آؤٹ ہوئے لیکن انہوں نے فیلڈنگ کرتے ہوئے جیک فریسر، مارنس لبوشین، جوش انگلس کے کیچ تھامے۔ کمنٹیٹرز نے بھی نوجوان کھلاڑی کی تعریف کی جبکہ سوشل میڈیا صارفین کی جانب سے بھی عرفان خان کی کارکردگی کو سراہا جارہا ہے۔